Денес 9.5.2025 учениците од нашето училиште од 4 и 5 одделение го остварија својот сон да ја запознаат Претседателката Гордана Силјановска Давкова и да поразговараат со неа и да ги постават сите свои прашања кои само деца може да ги смислат. Еве што напиша Претседателката во својата објава за денешниот ден:
,,Волшебно попладне, ведрина, палавост и детски џагор во претседателскиот Кабинет.
Со голема радост ги пречекав учениците од скопските основни училишта „Ѓорѓија Пулевски“, „Св. Климент Охридски“ и „Кирил Пејчиновиќ“, кои беа мои денешни гости на свечената церемонија на менување на државното знаме, како знак на почит кон државните симболи.
Со љубопитност, остроумност и типична детска искреност се интересираа за моите работни обврски, но и за личниот живот, почнувајќи од детството, школските и студентски денови, како и професорската кариера.
Сигурна сум дека на овие убави моменти со задоволство ќе се сеќавам."
No comments:
Post a Comment