Проект: ,,Немаме друг свет"

 

📍 Од 15 до 19 април 2024 година, во Сивас - Турција се одржа мобилност на ученици и наставници во рамките на проектот ,,Немаме друг свет".

🤖Академијата за роботика и иновации- Скопје  одржа предавање за Рециклирање на пластика, загадување од пластика и реупотреба на истата. Најинтересно за учениците беше креативната работилница преку која тие научија да ја реупотребуваат пластиката во изработка на накит.

Учесниците со задоволство го прифатија предизвикот и направија интересни изработки кои ги понесоа со себе како спомен од ова 5-дневно дружење.

Како дел од работната група од нашето училиште претставници беа Татјана Каранфиловска и Тања Петков.

Здрави заби- Презентација и работилница

Денес, 26.04.2024, во нашето училиште, во соработка со стоматолошкиот оддел на  поликлиника Драчево, се одржаа работилници во прво и четврто одделение на тема: Здрави заби. Посебно се обрна внимание на следниве работи:

1.градба и функција на орална празнина

2.правилна исхрана и контрола на внес на шеќери

3.правилна орална хигиена

4.редовна посета на стоматолог  и употреба на флуор

И првачињата и учениците од четврто од предавањето на докторката се потсетија на многу совети, но научија и нови. 

Донација на прирачници од ЕЛТАМ-МК

 Денес, 26.04.2024, добивме донација на прирачници и работни листови по англиски јазик за 6, 7 и 8 одделение од Prelimium project на ЕЛТАМ-МК, во кој беше вклучена и наставничката Валентина Кикеркова.

Материјалите ќе послужат за поквалитетно изведување на наставата по англиски јазик.

Втора средба од МИО проектот со нашите пријатели

    Денеска ја остваривме втората средба со нашите пријатели од основното училиште „Наим Фрашери“ од с. Моране во рамките на проектот МИО. Направивме презентација и работилница   за големиот верски празник Велигден и ја посетивме заедно црквата Св. Спас во с. Драчево. Прекрасно поминат ден. Се покажавме како добри домаќини.

 Одговорни наставници: Сузана Спасовска и Нена Цветковска