Професионална ориентација

 Нашите полуматуранти го посетија отворениот ден на средното училиште Димитар Влахов за да се запознаат со дел од струките кои ги нуди ова училиште. 

Натпревар по прва помош

Денес, 25.4.2025 год. се во „Даре Џамбаз“, Општинската организација на Црвениот крст на Кисела вода го организираше натпреварот по прва помош на кој учество зедоа деветто-одделенците од нашето училиште: Стефан Здравковски, Ева Дончевска, Мила Василевска, Борјан Трајковски, Дарија Арсовска, Миа Лазарова и Марко Маринковски. Тие на овој натпревар освоија 5 место. Ментор на учениците им беше дефектологот Цветана Зафировска.

 

Посета на фолклорната група Empi et Riaume Romans FRANCE

Денес во посета во нашето училиште беше фолклорната група Empi et Riaume од Франција од областа Dauphiné и Vivarais кои се во возвратна посета на КУД „Китка“. Тие ни ги покажаа нивните танци и носии, нè запознаа со нивната музика и инструменти, а на крајот заедно со нас ја изведоа Македонско девојче, па сите завршивме на сцената заедно играјќи и пеејќи. Атмосферата беше навистина опуштена, а нашите гости дополнително прошетаа и низ нашето стогодишно училиште. 

 

1-2 одд. учеше за ветрот на забавен начин

 Ги користиме ресурсите на училишниот двор и учиме за силата на воздухот. 1-2 одд. учеше за ветрот на забавен начин.

Одд. наставник: Јасмина Лакинска

22 Април - ,,Ден на планетата Земја".🌎

 🌎 Учениците од I 2 одд. заедно со наставничката Јасмина Лакинска го одбележаа 22 Април - ,,Ден на планетата Земја".🌎

Целата е да се сврти вниманието  на јавноста за значењето и зачувувањето на животната средина! 🍀🌿💧🌞🌳

Ден на книгата 2025: Отвори книга, отвори го умот!

Светскиот ден на книгата и авторските права е потсетник за длабокото влијание што книгите го имаат врз нашите животи. Тие едуцираат, забавуваат и инспирираат, нудејќи прозорец во различни перспективи и култури. Преку одбележување на овој ден, ги почитуваме авторите, издавачите и читателите кои придонесуваат за живописниот свет на литературата.

 Секоја година на 23 април, светот се обединува за да го одбележи Светскиот ден на книгата и авторските права, глобален настан организиран од УНЕСКО. Овој ден е посветен на промовирање на уживањето во книгите и читањето, како и на подигнување на свеста за важноста на авторските права во заштитата на интелектуалната сопственост.

Потеклото на Светскиот ден на книгата и авторските права датира од 1995 година, кога УНЕСКО официјално го прогласи 23 април за ден за почит кон книгите и авторите. Изборот на овој датум е симболичен, бидејќи го одбележува денот на смртта на големите книжевници како што се Вилијам Шекспир, Мигел де Сервантес и Инка Гарсиласо де ла Вега. Овој ден претставува мост меѓу генерациите и културите, потенцирајќи ја трансформативната моќ на книгите во негување на креативноста, различноста и еднаков пристап до знаењето.

Светскиот ден на книгата и авторските права се одбележува во Македонија преку разни културни и едукативни настан во Националната и универзитетска библиотека „Св. Климент Охридски“ и во останатите помали библиотеки. Денот се користи за промовирање на читањето и за подигнување на свеста за важноста на авторските права, преку работилници, изложби и дискусии. Овие активности го истакнуваат значењето на литературата како дел од културното наследство на Македонија.

„Граѓански активизам за остварување на циркуларна економија во управувањето со органски отпад“- работилница

Денес, 22.4.2025, на Денот на планетата Земја,  во нашето училиште Центарот за ресурси во животна средина (РЕЦ) – Северна Македонија, Еко Логик и Флорозон - Центар за еколошка демократија започнаa со спроведување на проектот „Граѓански активизам за остварување на циркуларна економија во управувањето со органски отпад“. Проектот е поддржан од Владата на Швајцарија и Амбасадата на Швајцарија во Македонија (Embassy of Switzerland in North Macedonia) преку Цивика мобилитас Civica Mobilitas и ќе се спроведува до октомври 2026 година.

Општата цел на проектот е постигнување на циркуларна економија преку одржливо управување со органски отпад со стекнување на практични знаења, коишто придонесуваат за остварување на одржлив развој.

 

Во рамките на проектот ќе се спроведуваат следниве активности кои се поврзани со Био-технолошката лабораторија:

• А.1.1. Реализација на  еднодневни работилници во Био-технолошка лабораторија, наменети за ученици од 20 ООУ од скопскиот регион, на коишто ќе се изучуваат техники за трансформација на потенцијалот на биоотпадот до корисни производи од фармакологијата, козметиката, прехранбената индустрија и сл.
• А.1.2. Настани на отворено со караванот за демонстрирање на експерименти (на отворено) со мобилна опрема од лабораторијата, наменети за ученици, коишто ќе се одвиваат во училиштата.
• А.1.3. 2 дводневни работилници водени од наставници, експерти и волонтери за тестирање на креативни зелени идеи, преку кои заинтересирани ученици да го продолжат школувањето во средни стручни училишта од хемиско-технолошката и земјоделско-ветеринарната струка ќе трансформираат био-отпад до корисен продукт, со цел развивање на одржлив зелен бизнис.

 

По еднодневните работилници во Био-технолошка лабораторија на која присуствуваат ученици од нашето училиште ќе следува одржување на настани на отворено со караванот за демонстрирање на експерименти во училиштата односно „Работилница за повторна употреба и пренамена на био-отпад за ученици" со ученици од основни училишта од Скопскиот регион.

Реализатори на обуката беа Тамара Радовановиќ Анѓелковска, Проектен координатор (РЕЦ),  Горан Трајковски, Раководител на одделение за лабораториски анализи и третман на отпадни води, ЈП Дрисла,  Благој Шурбевски, Експерт за животна средина. 

Целта на работилницата беше добивање на биодизел. Двете групи имаа различни активнсти и тоа:

Група 1

• Добивање на биодизел
• Индикатори на метали во вода од лушпи од јајца

Група 2

• •             Добивање на биодизел

  •             Биопластика од лушпа од компир

По учеството во работилниците се очекува учениците да стекнат знаења и зголемена свесност за циркуларна економија и правилнотo постапување со отпадот во заедницата.

Civica Mobilitas РЕЦ Македонија Center for Environmental Democracy - Florozon Св. Климент Охридски Драчево

#EcoLogic #НаученКараван #Биоотпад #ОдговорноУчење #УчимеПрекуПрактика #CivicaMobilitas #CHinMK civicamobilitas.mk