Наградени најдобрите наставници, стручни соработници и ученици за учебната 2022/23

 Наградени најдобрите наставници, стручни соработници и ученици за учебната 2022/23 година. Општина Кисела Вода продолжува да го вреднува трудот на наставниците, стручните соработници и учениците!

Натпревар во раскажување

 Почитувани,

Фондацијата Ѓорѓи Марјановиќ започнува со организирање натпревар во раскажување прочитани книги со цел да ги поттикне младите да стекнат навика за читање и да ги развијат своите способности за вербално изразување. Натпреварот во раскажување е одобрен за реализирање со одлука на Министерството за образование и наука, донесена според мислење на Бирото за развој на образованието. Повеќе детали и пријавување:

линк за пријавување

Резултати од конкурсот „Херојот по кого мојата улица го добила името“

 Ведран Тасковски од 2-1 освои трето место на конкурсот на „Колибри“,„Херојот по кого  мојата улица го добила името“, за својот цртеж „Партизански пат“ како што се вика неговата улица. Честитки за Ведран и многу успех и понатаму му посакуваме. 

Прочитајте повеќе за наградените и во весникот Нова Македонија во прилогот „Колибри“.линк до Колибри

 Стигна и наградата за Ведран од Редакцијата на „Колибри“, книгата „Бадникова вечер“. Огромна благодарност.   

Проект Mura(rt)l

 

Убаво е кога нашите поранешни ученици ќе се вратат во училиште и прават нешто што ќе остави трага за новите генерации❤❤❤

Проектот Mura(rt)l беше организиран од страна на алумните на KL-YES програмата за академска размена во САД, Борјан Георгиевски и Исидора Стефаноска. Тие искористија средства од фондот на IDEAL размената и во соработка со групата "Artivizam" од МОФ успеаја да направат два мурала во ООУ "Св. Климент Охридски" Драчево.

Манифестација ,,Детски лирски треперења"

 На 23, 24 и 25 јуни во Охрид се одржа 44. Фестивал на детско поетско творештво во организација на Сојузот за грижи и воспитување на децата ,,Детски лирски треперења". Нашата ученичка Матеја Јовановска од 6-1 одделение беше наградена за нејзината поетска творба под менторство на  м-р Валентина Трајкоска. Манифестацијата започна со свечено отворање и логорски оган во петокот, прогласување на победничките творби и поетски работилници во саботата и  работилници и затворање на фестивалот на 25 јуни (недела).Претседател на жирито беше познатиот детски писател Горјан Петревски. И ученичката и нејзиниот ментор имаа незаборавни моменти поминати во друштво на прекрасни луѓе. Посакуваме уште поголеми успеси и понатаму. 

Публикација Наш збор бр.2 за учебната 2022-23

                                                   Вториот број на весникот Наш збор 2022-23

Почитувани читатели на линкот пристапете до онлајн весникот на нашето училиште. 

 Според годишната програма на библиотеката отпечатен е и вториот од двата предвидени броја за оваа учебна година, изданието за второто полугодие. Исто така, креирана е и дигитална верзија во Book Creator, која можете да ја видите на линкот погоре.

Прогласен првенец на генерацијата 2014-2023

 На Наставничкиот совет одржан на15.6.2023 беше изгласан Првенецот на генерацијата 2014-2023. Комисијата за избор на првенец на генерацијата ги разгледа и рангира документите на шестмината кандидати за првенец. Според освоените бодови за Првенец на генерацијата предложена до Наставничкиот совет е Ангела Пецевска од 9-3 одделение. Честитки и многу успех понатаму ѝ посакуваме. 

Нејзиниот одделенски раководител Валентина Варелова напиша за Ангела:

    Ангела, ти си инспирација, секој ден доаѓаш на училиште со насмевка на лицето и подготвеност да научиш нови работи и да го продлабочиш твоето знаење. Ова се восхитувачки особини. Твојата желба за учење и растење ми значи многу како наставник.     Постојано покажуваш почит кон твоите соученици и кон сите наставници и вработени во училиштето. Твоите манири секогаш ме импресионираат. Ти си љубезна и внимателна ученичка и мило ми е што сум твоја наставничка.     Ме импресионира тоа што си вредна, без разлика каква е задачата, ти си секогаш подготвена да го прифатиш предизвикот и да го направиш најдоброто што можеш. Многу внимателна, секој ден на часовите покажуваш грижа за другите, се обидуваш да им помогнеш на твоите соученици, вклучувајќи ме и мене, секогаш кога ќе можеш.     Твојот оптимизам и љубезност секојдневно ме инспирираат. Твојата подготвеност за учење и очигледната љубов кон училиштето ме мотивираат да предавам.     Чест ми е да те имам во моето одделение.

Награда за Матеа Јовановска 6-1

 На самиот крај од учебната 2022/2023 година добивме убаво известување. 

Ученичката Матеа Јовановска од 6-1 одделение под менторство на наставничката по македонски јазик, м-р Валентина Трајкоска за учеството со творба на 44 Фестивал за детско поетско творештво „Детски лирски треперења“ со својата менторка се наградени да учествуваат три дена на завршната манифестација во детското одморалиште „Радости“ во Охрид каде се соопштуваат наградите и постигнувањата на конкурсот и воедно се реализираат неколку поетски работилници. Претседател на Одборот за детско творештво е нашиот познат писател Горјан Петревски.  Манифестацијата ќе се одржи во периодот од 23.6 до 25.6.2023 година.

Таруно, дојде пролет

 

Студот пројде,

пролет дојде,

блескаат од радост

сите луѓе на овој свет.

Па, и ти Таруно.

во душа носи сончев сјај,
затоа постои

месец  мај.

Насиха, на кошницата

пеперуга еве слета,

Рапуш, да ти кажам

ружите цветаат,

а птиците насекаде летаат.

Ах, пролет!

Дојде живот крај реката.

Завршна приредба на 5-1 одделение

 Едно прекрасно патување, уште поубаво доживување... Нема нешто поубаво од детската насмевка и детската радост...

Ви ја посакувам целата среќа🍀 на светот, да чекорите успешно, силно и решително... Чест и гордост ми се, дел од мојот живот, само продолжете така напред, ние секогаш ќе сме тука за вас. ♥️♥️♥️

❤️ V 1 💙

 Св. Климент Охридски Драчево

Државен натпревар по природни науки и биологија

 На Државниот натпревар по природни науки учениците постигнаа врвни резултати :

🥇Иван Трајковски 6-2 одд. - ПРВА награда 🏆

🥉Лина Крстевска 5-2 одд. - ТРЕТА награда

🥉Дамјан Трпевски 5-2 одд. - ТРЕТА награда 

✅Михаела Димитровска  6-1 одд. - сертификат за учество

Наставник ментор - Биљана Илиева 🌿 

На учениците што учествуваа на Општинскиот и Регионалниот натпревар по биологија и природни науки им беа врачени дипломите и сертификатите од страна на директорката на училиштето. 

Честитки 🎊