Натпревар во раскажување

 Почитувани,

Фондацијата Ѓорѓи Марјановиќ започнува со организирање натпревар во раскажување прочитани книги со цел да ги поттикне младите да стекнат навика за читање и да ги развијат своите способности за вербално изразување. Натпреварот во раскажување е одобрен за реализирање со одлука на Министерството за образование и наука, донесена според мислење на Бирото за развој на образованието. Повеќе детали и пријавување:

линк за пријавување

Општински натпревар по македонски јазик

На 1.6. 2023 во Општина Кисела Вода се одржа Општинскиот натпревар по македонски јазик каде учество зедоа и нашите ученици Јована Петреска, 6-1 , Јана Цветановска, 6-2 , Андреј Радевски од 6-1 одделение, Сандра Цветковска 7-1, Матеа Стојановска од 7-2, Мила Василевска од  7-2, Филип Спасовски,8-1, Дафина Здравковска, 8-1 и Марија Постоловска, 8-1 одделение, како и Лука Стојчевски, 9-2 и Моника Филиповска од 9-3 одделение. Натпреварот беше осмислен како предизвик за младите натпреварувачи.

 

Книги, книги, книги- Сакаме книги- Посета на Саемот на книгата

 Денес, 9.5.2023 година учениците од 6 и 7 одделение го посетија Саемот на книгата кој се одржуваше од 4-10 мај во спортската сала Борис Трајковски. Учениците ги посетија штандовите на сите издавачки куќи и најмногу се задржаа на оние каде имаше литература за нивната возраст, па ги дополнија своите библиотеки со нови лектирни изданија, читанки на англиски и забавни наслови, но и подарок книги за своите блиски. Во 12 часот на штандот на Арс Ламина се запознаа со писателот Велко Неделковски и присуствуваа на промоцијата на неговата нова книга. На крајот тој делеше свои автограми, а договоривме и средба со него и кај нас, како негови домаќини. Времето со книга брзо минува. Мирисот на нова книга опива, а прочитувањето на нова книга воздигнува. 

Изработка на хербариум🌿🌷🌿

 

Како правилно се собират растенијата за изработка на хербариум

Час по биологија со 7-1 одд.

Наставник : Б. Илиева

Светскиот ден на литературата за деца - 2 април одбележан во нашето училиште

Светскиот ден на литературата за деца, 2 април се одбележа во нашата библиотека со пригодни активности. Учениците од 4-2 твореа и создадоа 3-Д фигура на млад читател. Учениците од седмо одделение ја разменуваа лектирата „Мојот звук“ на Оливера Николова. Учениците од 3-2 во рамките на редовните посети самите прошетаа меѓу полиците и одбираа што ќе позајмат следно. 

Соработка со Полициска станица - Драчево

 На 30.03.2023 ученици од VII одд. заедно со педагогот Елена Петрушевска и психологот Ивана Јаневска ја посетија полициската станица „Драчево“ каде што инспекторот Дејан К. одговорен на реонот за село Драчево заедно со неговите колеги одржаа предавање на учениците за нивната работа и која е нивната функција во општеството, а потоа ги прошетаа учениците низ просториите на станицата.