Фантастичен ден со Вело Училишта во ООУ Климент Охридски, Драчево
Вчера, 2.6.2026 во организација на Вело училишта, Еко Логик и нашето училиште се случуваше еден од најинтересните настани годинава: Се одржа натпревар во возење велосипеди на ниво на тимови, се украсуваа држачи за паркирани велосипеди, се сликаше, се редеа сложувалки... со еден збор се беше во духот на неговото величество - велосипедот!
Велосипеди во акција, смеа насекаде и вистински Вело дуел кој ја крена енергијата до максимум! 
Во безбедна и контролирана средина, учениците:
ги тестираа своите велосипедски вештини учеа баланс и координација вежбаа сообраќајни правила на практичен начин и најважно- учеа без да чувствуваат дека учат 
Имаше моменти на натпревар, моменти на смеење, и многу „ајде уште еднаш!“ 
Кога децата се активни, училишните дворови оживуваат- стануваат места полни радост, самодоверба и здрави навики 
Затоа велиме: повеќе движење = побезбедна, посреќна иднина за сите нас🎨🚲 71 дете, многу насмевки, малку боја и безброј креативни идеи – токму така изгледаше нашиот „Шарен велосипедски свет“во Св. Климент Охридски Драчево!
Учениците од 2. и 3. одделение имаа можност да научат како старите работи можат да добијат нов живот преку реупотреба и принципите на циркуларната економија.
Но, најубавиот дел беше кога теоријата ја претворија во практика. Со голем ентузијазам и креативност, тие ги обоија Вело-Буре паркинзите што ги дониравме на училиштето и им дадоа свој уникатен печат. 🌈🚴
Секој цртеж, секоја боја и секоја порака што ја оставија покажува колку многу децата се подготвени да придонесат за поубава, почиста и поодржлива средина кога ќе им дадеме можност да бидат дел од промената. 💚
А токму тоа е и целта да создадеме генерации кои не само што учат за одржливоста, туку и ја живеат секој ден.
Иницијативата „Вело-Буре паркинг“ е дел од Првата Академија за циркуларна економија, организирана од ARNO во соработка со PINnorthmacedonia и партнери, каде беа развиени 12 иновативни концепти за циркуларни бизниси.
Оваа Академија се реализираше во рамки на проектот „Граѓанското општество и младите за инклузивен и одржлив развој преку циркуларна економија во Северна Македонија“, поддржан од Европската Унија преку ИПА програмата за граѓанско општество.
Фото, се знае: Дејан Мариќ
No comments:
Post a Comment