Еразмус + посета на партнерското училиште во Франција

 Од 24-28 ноември 2025  нашето училиште реализираше возвратна посета на партнерското училиште во Рен, Франција во рамките на Еразмус + проектот „Games for SEL" ( Игри за социо-емоционално учење). Учесници во оваа втора фаза од проектот беа директорката Елена Симоновска, Тања Петков -одделенски наставник и координатор на проектот, Јасмина Лакинска- одделенски наставник и Душица А. Гулабоски- наставник по англиски. 

Проектот има за цел поврзување, учење и надградување на наставниот кадар и е поделен во неколку фази. Првата фаза се реализираше минатиот месец во нашето училиште, кога беа пречекани учесниците од Франција, Турција и Австрија.