НАГРАДА „Европски млади креатори на наследство“ за проектот „Македонска традиција“

 Нашето училиште е избрано во четирите најдобри училишта од 56 европски училишта!!!

Наставничката Тања  Петков и нејзините ученици од II1 одделение до наградата за најдобри „Европски млади креатори на наследство“ за проектот „Македонска традиција“.  Проектот ја прикажува изработката на кукли од дрвена лажица, метла и слама со користење на разни ткаенини, парчиња платно и волница и процесот пред и по нивното настанување, со цел да се прикажат македонските девојчиња и момчиња во минатото.

Целиот проект и видеото можете да го видите и на објавата на нашиот блог од пред неколку месеци https://nas-zbor.blogspot.com/2023/01/2-1.html?m=1

A еве што Миа пишуваше во својата статија од 27 март 2023 за наградата на нашите 2-1.

Награда за најдобри „Млади европски креатори на наследство“ за OOУ „Св. Климент Охридски“ од Драчево

• Проектот „Македонска традиција“ на OOУ „Св. Климент Охридски“ од Драчево, под менторство на одделенскиот наставник Тања Петков и нејзиното II 1 одделение ја доби наградата за најдобри „Mлади eвропски креатори на наследство“ во рамките на програмата „Европски денови на наследството“ поддржана од Европската комисија и Советот на Европа. Во реализацијата на проектот како консултант и ментор беше влучена и Василка Димитровска од ХАЕМУС - Центар за научно истражување и промоција на културата која одржа обука за насоките на овој проект.

• Од Даниела Маркоска-Алексовска

Скопје, 27 март 2023 (МИА) - Проектот „Македонска традиција“ на OOУ „Св. Климент Охридски“ од Драчево, под менторство на одделенскиот наставник Тања Петков и нејзиното II 1 одделение ја доби наградата за најдобри „Mлади eвропски креатори на наследство“ во рамките на програмата „Европски денови на наследството“ поддржана од Европската комисија и Советот на Европа. Во реализацијата на проектот како консултант и ментор беше влучена и Василка Димитровска од ХАЕМУС - Центар за научно истражување и промоција на културата која одржа обука за насоките на овој проект.

Од училиштето посочуваат дека условите да се биде дел од повикот за „Млади европски креатори на наследство“ биле голем предизвик и дека во изработката на проектот биле вклучени учениците, нивните родители, колективот од училиштето, но заблагодаруваат и за големата поддршка што ја имале од локалната заедица во Драчево со чие наследство се идентификуваат генерации граѓани. Голема благодарност упатуваат и до Домот на културата „Драчево" во која членува играорната група при Културно - уметничкото друштво „Китка“.

- Учеството на овој проект нѐ направи побогати, децата среќни, а родителите горди што нивните деца ја продолжуваат традицијата. Мило ни е што зедовме учество во овој проект и горди сме што останатите европски народи слушнаа за македонскиот народ, за нашата вековна традиција, за училиштето кое за две години ќе одбележи сто години од своето постоење и за едно успешно одделение, велат од OOУ „Св.Климент Охридски“ од Драчево.

Млади европски креатори на наследство е натпревар за децата и младите од Европа, со цел да се поттикне истражувањето и осознавањето на наследството, како и креативното изразување поврзано со него. Натпреварот се организира и раководи од страна на „Европските денови на наследството“ – најголема манифестација на културни настани во Европа, и ќе заврши со специјална изложба во Советот на Европа во Стразбур. дма/са/