„Спремни за средно!“

 „Спремни за средно!“: Синоќа 560 деветтоодделенци од Кисела Вода заеднички ја прославија полуматурата

Петстотини и шеесет деветтоодделенци од сите основни училишта на територијата на Кисела Вода синоќа заеднички ја прославија својата полуматура. Под мотото „Спремни за средно!“, локалната самоуправа приреди голема бесплатна забава, одбележувајќи го крајот на основното образование за оваа генерација.

Настанот се одржа во спортската сала „Независна Македонија“ и помина во извонредна атмосфера. За музичкиот дел се погрижија популарното дуо 2Bona и диџеј Марио Трампет, а дополнителен белег на вечерта дадоа музичките точки на самите ученици. Оваа прослава, која се одржува втора година по ред, е особено значајна бидејќи нејзиниот концепт беше креиран директно од младите, врз основа на нивните желби и замисли.

-Синоќа сведочевме на прекрасна енергија и вистинска радост. Кога неодамна ги поканив претставниците на учениците за да ги сослушам нивните идеи, знаев дека заеднички ќе создадеме настан за паметење. Нашата цел беше оваа прослава да биде осмислена исклучиво преку нивната призма и токму тоа го остваривме. Овие млади луѓе се доказ дека кога ќе им дадете простор да одлучуваат, тие носат одлични одлуки. Општина Кисела Вода секогаш ќе го вреднува нивниот глас и ќе биде нивна поддршка. Им посакувам многу успех во понатамошната едукација и верувам дека од тука ќе понесат прекрасни спомени пред да зачекорат во средношколските клупи- изјави градоначалничката Бети Стаменкоска Трајкоска.

Првенци на генерацијата 2017- 2026

 На денешниот Наставнички совет беа прогласени 🎓 ПРВЕНЦИТЕ НА ГЕНЕРАЦИЈА 2017–2026🎓

Со особена гордост и чест ги претставуваме учениците кои со својот труд, знаење, посветеност и примерен однос се истакнаа како најуспешни претставници на генерацијата 2017–2026 во ООУ „Св. Климент Охридски“ – с. Драчево.

🏆 Првенци на генерацијата

Михаела Димитровска– IX/1 одделение

Матеј Димишковски IX/2 одделение

Михаела и Матеј со својата истрајност, одлични резултати и активно учество во училишниот живот заслужено го понесоа признанието „Првенец на генерацијата“. Нивниот успех е доказ дека трудот, дисциплината и посветеноста секогаш носат резултати.

Им честитаме и на двајцата за овој значаен успех и им посакуваме многу среќа, здравје и нови достигнувања во понатамошното образование и животот. Веруваме дека ќе продолжат да ги следат своите соништа и да ги претвораат во реалност.

Горди сме на вас! Честитки за вашите постигнувања и ви посакуваме светла и успешна иднина! 🎓✨

,,Децимални дропки и децимални броеви"- час во 6-2

 🧑‍🎓Имплементација на час во VI - 2 одделение од проектот Еразмус ,,Изоне"  поддржан од Европска Унија;

👩‍🎓Наставна содржина: ,,Децимални дропки и децимални броеви";

👨‍🎓 Со користење на современи дигитални алатки учењето беше забавно и креативно. Преку квиз изработен со алатката Kahoot беа повторени содржините: децимални дропки, правилни, неправилни и привидни дропки, мешан број и децимален број;

👩‍🏫Ментор Марија Лозаноска

Ракомет во 2-2

 🤾Имплементација на час во II 2 одделение од проектот Еразмус ,,Изоне"  поддржан од Европска Унија.

🤾Наставна содржина: ,,Шут во гол во ракометот"

🤾Развиваме координација, учиме техника на додавање и препознаваме правилен и неправилен скок шут во гол.

🤾Ментори: Јасмина Лакинска и Елена Симоновска

Шарениот свет на растенијата

 Во рамките на Еразмус+ и проектот IZONE со учениците од III2 реализиравме час на тема ,,Шарениот свет на растенијата". Со низа активности -сеење на семе, разгледувања на растенија низ училишниот двор, презентација, наставен лист, квиз на Wordwall ,учениците се запознаа со деловите на растенијата и нивната улога.

Одд. наставник: Татјана Каранфиловска

„Храбриот Праслеа и златните јаболка“- бајка во 6-2

 Во рамките на проектот Еразмус+ „IZONE“, поддржан од Европската Унија, реализиравме час по македонски јазик на тема „Храбриот Праслеа и златните јаболка“- бајка.

Преку читање, анализа на текстот и интерактивни активности, учениците ги развиваа своите вештини за разбирање при читање, ги препознаваа ликовите и нивните особини, ги следеа настаните во бајката и разговараа за моралните вредности што ги пренесува делото.

За проверка и продлабочување на разбирањето на содржината, беше искористена и едукативната дигитална алатка Wordwall, преку која учениците на интересен и забавен начин ги утврдуваа знаењата стекнати од прочитаната бајка. 

Со користење на современи дигитални алатки, учењето беше интересно, креативно и поттикнувачко за сите ученици. 

Одговорен наставник: Виолета Трпевска

Танграм- 3-2 одд.

 Отворен час во 3-2 одд. Имплементација на часови од проектот Еразмус ,,Изоне"  поддржан од Европска Унија.

Наставна содржина: ,,Танграм"

Цел на часот : Примена на ИКТ алатки

Учениците преку ИКТ алатки се запознаа со Танграмот.

Потоа со играта https:/it.mathigon.org/ изработуваа Танграм.

 На крајот цртаа Танграм и редеа сложувалка.

Ментор: Елена Петрушевска