Завршна приредба со учениците од 5-2 одделение

 Завршна приредба со учениците од 5-2 одделение

Завршна приредба со учениците од 5-2 одделение насловена како ,,Последниот час" !

Приредба со многу измешани емоции, на која присуствуваа и родителите. 

Се говореше за другарството, среќата, почитта... Учениците се претставија со латино танци, хип хоп настап, а завршија со Народното оро и неизбежното Пајдушко! Секако следеа и две драматизации, едната хумористична, насловена како ,,Збогум лето - збогум петто"  и драматизацијата ,, Последниот час", со која учениците се збогуваа со нивната наставничка Јасмина Лакинска.

Маички и табла за потпишување

 За спомен и долго сеќавање,секогаш креативни,  деветтоодделенците облекоа бели маички на кои меѓусебно се потпишаа, а воедно оставија и свој потпис на белата табла во библиотеката.

,,Климент засекогаш во нашите срца" напишаа тие, а знаат дека ќе останат засекогаш и во срцата на сите во училиштето. 

Им посакуваме среќа, љубов и посветеност на нивниот понатамошен пат и да останат секогаш позитивни, ведри и детски разиграни. 

Трета награда на Државен натпревар по природни науки.

 Трета награда на Државен натпревар по природни науки за Василиј Ѓорѓиевски, 4-1 одд. Честитки за него и неговите ментори Елена Симоновска и Нена Цветковска.

Регионални синдикални игри

 На Регионалните синдикални игри при општина Кисела Вода ,кои се одржаа на 14.06.2024 г. во ООУ ,,Партение Зографски" учествуваа  во повеќе дисциплини и членовите на СОНК од нашето училиште.Одлична организација,задоволни натпреварувачи.Браво колеги продолжете понатаму во тој дух !Многу успеси понатаму!

Полуматурска вечер и забава на деветтоодделенците

 Деветтоодделенците ја прославија својата полуматурска вечер во Вединг хаус на 13.06.2024. Забавата започна со самото пристигнување во ресторанот. Одличната атмосфера поттикна многу играње и пеење. И оваа прекрасна генерација ученици заминува и остава свој белег во училиштето, а сите им посакуваме успеси и среќа во понатамошното школување.

Едукативна работилница " Истражи го барскиот екосистем"

 

🏡На 12.06.2024 година во Едукативен центар за зачувување на природата с.Негрево, Општина Пехчево се одржа едукативна работилница " Истражи го барскиот екосистем" која е дел од Мрежата за искуствено учење.

🏠На работилницата учествуваа ученици од VII-1   и VII-2  одд. во организација на педагогот Елена Петрушевска, психологот Ивана Јаневска и наставничката по биологија Биљана Илиева.

🌾🐸🦟🐌🔬🧫🦠 Работилница со активности е спроведена на терен на природната бара-Езерце во градот Пехчево, а вториот дел се состоеше од набљудување  под микроскоп и лупа и анализа на собраните материјали од терен во едукативниот центар во Негрево .

Учениците преку искуствено учење се запознаа со растителниот и животинскиот свет на барскиот и шумскиот екосистем. Нивното знаење се збогати со еден поинаков начин на учење преку експерименти, собирање на природен материјал и негово набљудување.