Со гордост објавуваме - Биљана Илиева се стекна со звањето ,,наставник советник".
Со особена чест и гордост, училиштето ја споделува веста дека нашата колешка, Биљана Илиева, согласно објавената ранг-листа на Министерството за образование и наука официјално се стекна со највисокото звање „наставник советник“.
Ова високо професионално признание претставува потврда за нејзината долгогодишна посветеност, стручност, креативност и неизмерна љубов кон воспитно-образовната работа.
Преку својот труд, професионализам и искрена грижа за учениците, таа остава значаен белег во развојот на образованието и претставува вистински пример за наставник кој инспирира, мотивира и создава вредности.
Нејзиниот успех е гордост за целото училиште и доказ дека посветената работа, континуираното усовршување и љубовта кон професијата секогаш се препознаваат и вреднуваат.
Колективот на училиштето ѝ упатува искрени честитки за ова значајно достигнување, со желба и понатаму успешно да чекори по патот на знаењето, професионалниот развој и инспирацијата што им ја пренесува на учениците и колегите.
Честитки за заслуженото признание!
No comments:
Post a Comment