Една од активностите во рамките на Erasmus+ проектот IZONE беше креирање наставни часови од страна на наставниците од партнерските држави, кои потоа се реализираат во нивните училишта. Воедно, секој наставник вклучен во проектот има задача да реализира и наставен час подготвен од колега од друга земја.
Учениците од III одделение успешно го реализираа часот „Пиратски предизвик“, во кој имаа задача да го пронајдат скриеното богатство. Следејќи различни траги и совладувајќи интересни предизвици, тие покажаа тимска работа, соработка, снаодливост и упорност. Преку игра, дружење и заедничко решавање на задачите, учениците успеаја да стигнат до целта и да го откријат богатството.
Активноста беше исполнета со позитивна енергија, возбуда и насмевки, а воедно придонесе за развој на комуникациските и социјалните вештини кај учениците.
Одговорен наставник: Симона Ѓорѓиевска
No comments:
Post a Comment