💬🏁💭 Вело Училишта – новости | Јануари & Февруари – Вело Училишта
ИНТЕРВЈУА СО АКТИВИСТИ И ИСТРАЖУВАЧИ
Александар Ѓеорѓиевски
КРАТКО ПРЕТСТАВУВАЊЕ
Јас сум Александар Ѓеорѓиевски, наставник по Физичко и здравствено об разование во ООУ„Св.Климент Охридски“ с.Драчево.
ШТО ТЕ МОТИВИРАШЕ ПРВПАТ ДА СЕ ВКЛУЧИШ ВО ЕКОЛОШКИ АКТИВИЗАМ И ШТО ТЕ ДРЖИ МОТИВИРАН ДЕНЕС?
Немаше посебна мотивација, едноставно тоа е самосвест што би требало да ја има секој човек во себе и со своите постапки и навики да придонесува за еколошкиот активизам. Мотивираноста ја црпам од учениците бидејќи тие се најискрени и преку разни еко активности и еко акции придонесуваме за што поголема еко свест и кај возрасните.
КОИ СЕ ТРИТЕ НАЈВАЖНИ ПРЕЧКИ ШТО ГИ ГЛЕДАШ ВО МАКЕДОНИЈА КОГА СТАНУВА ЗБОР ЗА ОДРЖЛИВОСТ?
Недоволна ангажираност од релевантни институции и државата воопшто. Сиромашна инфраструктура, како во урбаните места така и во руралните. Недоволна едукација и промоција околу еко активизам и позитивните при добивки од истиот, промена на мајндсетот на Македонскиот народ.
КОЈА Е НАВИКА ШТО СЕКОЈ ОД НАС МОЖЕ ДА ЈА ВОВЕДЕ УШТЕ ДЕНЕС ЗА ДА НАПРАВИ РАЗЛИКА?
Користење на велосипед за секојдневни обврски (до работа, до училиште, до пазар и сл.) Да се користат канти за фрлање на отпад и негово рециклирање.
ШТО БИ МУ ПОРАЧАЛ НА МЛАД ЧОВЕК КОЈ САКА ДА СЕ ВКЛУЧИ ВО ЕКОЛОШКИ АКТИВИЗАМ, НО НЕ ЗНАЕ ОД КАДЕ ДА ПОЧНЕ? ДАЛИ САКАШ ДА НИ КАЖЕШ УШТЕ НЕШТО?
Најпрвин би му препорачал да се вклучи во мојата секција во училиштето, а потоа и во Вело училишта и Еко Логик каде што има активности и проекти на повисоко ниво. Вело училишта е организација која треба да ја поддржат Федерацијата на училиштен спорт на Македонија, па и Министерството за спорт и Министерство за образование и да реализираат заеднички проекти се со цел промовирање на еко активизмот и еко навиките од најмала возраст.
Александар Ѓеорѓиевски
No comments:
Post a Comment