Откривање на талентот кај децата

 Линк до ТВ емисијата

21 Февруари- Ден на мајчиниот јазик

По повод одбележувањето на Денот на мајчиниот јазик-21Февруари во нашето училиште ќе се одржи квиз и поетско читање. Пријавете го вашето учество кај наставничката по македонски јазик Наташа Станојевска и библиотекарката Наташа Старделова.

 

Наградени ученици на конкурсот „Јазикот како чувар на културниот идентитет“

Со дипломи и награди денес во свечената сала во Општина Кисела вода беа наградени тројца ученици од нашето училиште по повод 21 Февруари- Денот на мајчиниот јазок. Прво место за Василиј Ѓорѓиевски од 5-1 одделение, второ за Матеа Стојановска од 9-2 за поетските творби, и второ место за Марија Тренкоска 8-2 за нејзината ликовна творба на конкурсот распишан од Секторот за образование, предучилишно воспитување, спорт и култура при Општина Кисела Вода по повод Денот на мајчиниот јазик. Честитки и нека ни е честит Денот на мајчиниот јазик- 21 Февруари.

 Во продолжение прочитајте ги наградените творби:

ЈАЗИКОТ КАКО ЧУВАР НА КУЛТУРНИОТ ИДЕНТИТЕТ

Нашиот јазик убав
македонски се вика

како чист извор се лее,

како сончеви зраци блика.

 

Оставен од дедо и прадедо

како најголема светост да го чуваме

со него да учиме, пишуваме,

да твориме, да го негуваме.

 

Најубавите сказни,
песни и умотворби

со него се напишани,

со букви и зборови македонски

како ѓердан се нанижани.

 

Вредноста негова е голема
како езеро мирно,

како небото ширно

треба да го чуваме, учиме, пишуваме

со книгата да другаруваме.

 

Јазикот македонски е нашето огниште

никогаш не згаснува и свети како жар

ги поврзува минатото и иднината,

тоа е наш најголем дар.

 

 

Василиј Ѓорѓиевски

V- 1 одд.

ООУ ,, Св. Климент Охридски’’

С.Драчево, К. Вода, Скопје

Ментор- Нена Цветковска

Јазикот како чувар на културниот идентитет                  

 

Кога некој ќе прозбори на

мајчиниот свој глас,

во душата му тлее

најголемиот спас.

 

Јазикот е дел од нашиот корен

кој за сите нас е створен.

Зборовите македонски течат

брзо како река,

кои ќе се почитуваат и говорат довека.

 

Во јазикот што го зборуваме

се крие нашето дело,

кое без учителите и не би било цело.

 

Јазикот е чуварот наш кој во секое

време  се почитува и сака,

затоа да твориме и создаваме на

мајчин јазик и не ни е голема мака.

 

Македонскиот јазик е нашиот

милостлив глас,

кој се крие во секој од нас.

Говорот македонски на нас

ни дава голема сила,

која што на секому му е мила.

 

Јазикот како чувар на македонскиот

идентитет е нашата сила што

негува долга историја.

Во зборовите наши живее нашата

гордост, приказна и меморија.

 

 

Ученик: Матеа Стојановска IX-2 одд______________________

Ментор:Виолета Трпевска____________________________

Училиште: „Св.Климент Охридски“ с.Драчево

Директор: Елена Симоновска______________________

 

 

 

 

 

Општински натпревар по биологија

 На 14.2.2025 год. се одржа општински натпревар по биологија на кој нашите ученици Михаела Димитровска од 8-1 и Матеј Димишковски 8-2 освоија втора награда под менторство на Биљана Илиева. Честитки и многу успех понатаму!

 

Пешачка тура до Шпела

 Во организација на спортско-рекреативната секција при ООУ Св. Климент Охридски Драчево  денеска се реализираше пешачка тура до Драчевска пештера-Шпела.

Неделата на информатиката 2025

 

 Со голема возбуда, го најавуваме одржувањето на Неделата на информатиката 2025 во периодот од 10-14 февруари. Во текот на оваа недела, ќе се реализираат бројни едукативни и забавни активности за учениците, наставниците и родителите, фокусирани на важноста на информатиката во секојдневниот живот, дигиталната безбедност и технолошките иновации.

 Цел на неделата:
Да ги инспирираме учениците да ја истражуваат информатиката и технологијата, да ги едуцираме за дигиталната безбедност и да ја зајакнеме соработката меѓу училиштето, учениците и родителите.

За инспирација за вашите активности посетете ја нашата страна со ресурси на следниот линк.

Во рамки на Неделата на информатиката ќе се одбележи и Денот за побезбеден интернет. Оваа година темата на овој ден е „Предобро за да биде вистинито. Да се заштитиме од онлајн измами“.

Резултати од општинскиот натпревар по математика

 

Учениците од 4то до 9то одделение на 31.1.2025 земаа учество на општинскиот натпревар по математика и постигнаа одлични резултати. Им честитаме на учениците и нивните ментори и

им посакуваме многу успех на регионалниот натпревар во март.

Втора награда на Чудесна лабораторија

 Свечено доделување на признанија на најдобрите презентации во склоп на проектот ,,Чудесна лабораторија", заедно со Просветно Дело АД Скопје. 

4- 1 одделение учествуваше во овој проект и доби втора награда. Ментор: Тања Петков

Чудесна лабораторијa

 Минатата учебна година нашите дечиња од II 2 одделение заедно со наставничката Марина Божиновска Тасевска беа дел од проектот ,,Чудесна лабораторија",  заедно со Ксенија Маказлиева Трајчева и Весела Весе Богдановиќ. Проектот се заокружи со убава дружба со сите учесници, наградени наставници, многу музика и заеднички активности.