Ден на штедењето

Денес, на Денот на штедењето, а на покана од Народна банка, учениците од III 2 беа во посета  на банката. Прекрасен ден кој се искористи и за прошетка низ нашиот убав град. Одделенски наставници: Татјана Каранфиловска и Симона Ѓорѓиевска

Зачленување на првачињата во училишната библиотека

 Во склоп на активностите по повод Месецот на книгата нашата библиотека се збогати со нови  членови, најмалите и најинтересните, првачињата. Тие сите добија членски картички со кои влегоа во нашето големо семејство на читатели. Да им посакаме многу прочитани сликовници и книги.  

Што е тоа - ДОБРО? Што е тоа - ЛОШО?- работилница со второодделенците

 Денес, 28.10.2025, во рамките на активностите на библиотеката по повод месецот на книгата, библиотекарката Наташа Старделова одржа две работилници во двете паралелки во второ одделение на темата: Што е тоа - ДОБРО? Што е тоа - ЛОШО?. 

Преку детската песна на Владимир Мајаковски учениците  дискутираа  и дебатираа, играа, цртаа, пишуваа  и определуваа што е тоа добро, а што лошо. 

Незапирливи - работилници

На 27.10.2025 и 28.10.2025 се одржаа работилницои во Домот на култура „Билјана Беличанец“ во општина Кисела Вода во организација на граѓанското здружение ,,Незапирливи". 

 Пријавените ученици имаа можност да бидат дел од публиката и да ги слушнат инспиративните приказни на гостите, познати личности од македонската естрада, кои успешно делуваат во областа на музиката и глумата.На  28.10.2025 следуваше втората работилница. 

Дополнително, на 14 ноември ќе се одржи завршен концерт, на кој дел од децата што ќе ги посетат работилниците ќе имаат можност да учествуваат и да изведат краток перформанс на сцена пред публика.

На 27 октомври гостуваа:

музичката група 2 Бона,

Тамара Тодевска,

Игор Џамбазов, и

Давор Јордановски.

На 28 октомври настауваа:

Школата за мјузикли “Broadway” со краток сценски перформанс и говор на Јована Лалчевска, и

Актерската школа на Весна Петрушевска.

Во текот на двата дена со сценски точки настапуваат  Максим Пандилов (тапани) и Лука Илиев (клавир), млади музичари во почеток на својата музичка кариера и ученици во основното училиште „Круме Кепески“. 

Учениците од нашето училиште  се забавуваа и мотивирани се да ги подготват своите точки со кои ќе настапат.