Регионален натпревар по македонски јазик

 На 26.4.2025 год., на Филолошкиот факултет ,,Блаже Конески" во Скопје, се одржа Регионалниот натпревар по македонски јазик.

Дводневна екскурзија за учениците од шесто одделение

 

На 28 и 29 април се реализираше дводневна екскурзија за учениците од шесто одд.

Откако панорамски ја видовме долината на реката Вардар и Таорската Клисура, направивме пауза на езерото Младост. Потоа ја посетивме Спомен куќата на Кочо Рацин во Велес.

Се прошетавме низ археолошкиот локалитет Стоби, па потоа заминавме за Струмица. Уживавме во убавините во манастирот во Водоча, градот Струмица и прекрасните Колешински Водопади. Првиот ден ни заврши во Дојран, во хотел Полин. Иако бевме изморени од прошетката, сепак не ја пропуштивме забавата. Вториот ден, по појадокот го посетивме Природонаучниот музеј во Дојран, Саат кулата и црквата ,,Св. Илија". Потоа се прошетавме низ Дојран и имавме слободно време за игра и забава покрај езерото. По ручекот се упативме во Демир Капија. Таму ја посетивме винарската визба ,,Вила Марија" , ја дознавме историјата за винаријата, ја видовме винарската визба и уживаме во прекрасната природа. Тоа беше последната станица од нашето патување пред да тргнеме кон нашето Драчево.

80 години од кодификацијата на македонскиот стандарден јазик

 

Денес денот го искористивме и да го посетиме Институтот за македонски јазик, посета која ја планиравме за 5 Мај, но ја реализиравме порано. Марија Тренкоска, Калина Боцевска, Мила Филиповска и Јана Цветановска од 8-2 одделение ја посетија оваа институција заедно со библиотекарката Наташа Старделова,  ја видоа спомен собата на Крсте Мисирков и оддадоа почит пред неговиот споменик. Бевме срдечно пречекани од нашата драга поранешна наставничка Валентина Трајкоска, која ни беше домаќин на посетата. Благодарност до неа! 

 

Презентација и доделување на благодарници за проектот ,,Хотел за инсекти"

 Денес, 29.4.2025 се заокружија активностите со проектот ,,Хотели за инсекти" заедничка соработка на повеќе училишта: „Св. Климент Охридски“, „Невена Георгиева -Дуња“ и „Св. Наум Охридски“, Националната галерија, Машински факултет и Зоолошка градина. Во зоолошката градина се презентираше досегашната работа и се поставија живеалиштата во посебно катче во градината. Изработен беше и каталог и се доделија благодарници за учесниците. Учесници во проектот беа Марија Тренкоска, Калина Боцевска, Мила Филиповска и Јана Цветановска од 8-2 одделение.