Читател на месецот декември

Овој месец читател на месецот е Матеј Младеновски од 2-1 одделение. Честито и уште повеќе прочитани книги ти посакуваме, Матеј!

 

„Добриот и лошиот Дедо Мраз "

 Денес учениците од нашето училиште присуствуваа на новогодишната претстава „Добриот и лошиот Дедо Мраз" каде низ интерактивна игра учениците уживаа во згодите и незгодите на добриот и лошиот Дедо Мраз. Преку оваа забавна и возбудлива приказна, децата учат за важноста на добрината, дарувањето и другарството низ убав новогодишен дух.

„Дедо Мраз дојде со воз"

 Денес учениците од 2-2, 4-1, 4-2, 5-1 и 5-2 од нашето училиште присуствуваа на новогодишната претстава „Дедо Мраз дојде со воз"

Посетивме музејска поставка на Железничка станица, потоа гледавме претстава во убава сала и на крај во интересен, декориран и полн со џуџиња вагон се сликавме со Дедо Мраз и добивме подарочиња.

Независни велoсипедистки

 По одржана обука во петокот (20.12.2024) се одржа и натпревар „Независни Велосипедистки“. На натпреварот Калина Димишковска од 5 -1 со помош на Ива Трпчевска од 4-1 освоија прво место за лепење гума, а за местење ланец Ива Трпчевска од 4 -1 второ, а Ема Василевска од 5 -1 е трето место и си добија награди: светла за велосипед, заштитен ланец, делови за велосипед, а сите учесници добија ѕвончиња.

А еве што напишаа Go Green за нас:

„Ги посетивме ученичките во ООУ „Св. Климент Охридски“ во Драчево.

Таму девојките кажаа дека самите си ги менуваат ланците, а ако нешто не знаат ги прашуваат своите мајки и тетки.

Браво девојки!

Драчевчанките се вистински независни велосипедистки!

Голема благодарност до нашите партнери: British Embassy Skopje, Национален младински совет на Македонија - НМСМ / NYCM / KRNM, MladiHub и Stella Network.

Иницијативата „Независни Велосипедистки“ е во склоп со проектот „Еднакви можности за девојчиња и млади жени во Северна Македонија“.

#НезависниВелосипедистки #ВелоЕдукација #КлиматскаАкција #СекојПедалВажи #СеГрижимеЗаИднината“

Воведен збор на уредниците за петтиот број на весникот „Наш Збор“

 

Драги читатели, 

Пред вас е уште еден број на училишниот весник, посебен по тоа што во него ќе се задржиме најмногу на одбележувањето на стогодишнината од постоењето на нашето училиште и 80 години од одржувањето на настава на мајчин, македонски јазик.

Пред да започнам, морам да напоменам дека ова што сакам да ви го раскажам не може да се објасни со зборови, може само да се доживее и почувствува.

Но, сепак ќе се обидам да ја доловам сликата на големиот патронен ден, на тема „Портрет на едно училиште што дише“. Прославувањето на 100 годишното постоење на нашето училиште и 80 години настава на македонски јазик во него, беа два големи јубилеја, тоа беше  прослава за цел еден век постоење!

Да, тоа не беше само еден ден празнување во чест на големиот ден. Ние учениците заедно со наставниците и сите вработени во училиштето цел месец имавме најразлични активности.

Учениците твореа ликовни и литературни творби, а најдобрите беа наградени. Се организираа и натпревари во фискултурната сала, како и пешачење во кое покрај ученици и вработени беа вклучени и поранешни ученици и родители. 

Нашите наставници како и сите други вработени во училиштето во чест на патрониот празник цел месец носеа исти маички во иста боја на кои имаше напишано за сто годишнината.

Сите вредно работеа, а воедно и уживаа во активностите кои се реализираа и во кои учествуваа ученици од сите генерации, сегашни и поранешни во најразлични активности. Сите дадоа свој придонес на различен начин. Долго се подготвувавме и за денот на прославата на која имаше покането многу гости. Имаше подготвено и покани за гостите, но и мали подароци како пенкало за секој гостин на кое беше испечатено името на училиштето и 100 годишнината, чаша за секој ученик со логото на училиштето, се доделија и благодарници на соработниците на училиштето. Беше изработена и Монографија која е испечатена во 200 примероци.

И големиот ден, ден кој вечно ќе остане врежан во нашите сеќавања, но и ден кој измами многу спомени, ден кој растрепери многу срца, а и по некоја солза радосница. До последното место се исполни салата во Домот на културата во с. Драчево каде што се одржа приредбата. Таа беше организирана во три периода од: минато, сегашно и идно време. Сцената беше магична, прекрасно уредена и се започна со химната на Македонија, потоа и химната на училиштето. Целата приредба беше низ раскажувањето на еден дедо (професорот Велко Тодевски) и две деца (Теона и Димитар), кои раскажуваа спомени, но зборуваа и за сегашни и идни настани. После секој нивни разговор следуваше сцена на која тоа сликовито се раскажуваше. Имаше драматизација за Климент, настап на КУД Китка, драматизација за времето кога се учело на српски јазик, настапи хорот со песната Ој девојче, девојче, потоа драматизација со пионерите, ритмичка точка – Лична Македонија, видео со поранешни ученици кои сега се во други земји, ритмичка точка – Мојата учителка , драматизација за иднината, говор на директорката, говор на градоначалникот, се набројаа и познати личности кои се поранешни ученици на нашето училиште и имаше настап на наставниците и учениците со песната Посебен ден.

Владееше топлина, емоции испреплетени со носталгија и среќа. Но и верба и ветување дека традицијата ќе продолжи, да го сакаме и чуваме нашето училиште. да се гордееме со него, но и тоа со нас. На едно место многу генерации, баби, дедовци, мајки, татковци, поранешни и сегашни ученици и наставници, наши наставници, наставници на нашите родители...
Прекрасен настан кој може само да се доживее, да се почувствува, кој ја исполнува душата со топлина, но и со гордост.

 Горд сум што сум ученик во основното училиште ,, Св. Климент Охридски“ во с. Драчево.

 

                                                                                                  Матеј Јаневски VI - 2

Читател на месецот ноември

 Честитки за Јорида Гроздан од 8-2 одделение. Таа е читател на месецот ноември во нашата библиотека. Уште многу прочитани книги ти посакуваме, Јорида!