Ден на ретките болести

 Различни ,а сепак исти!

Ретки ,но постоиме!

Ретки,но најсилни!

Денот нa ретките болести го одбележаа учениците од II 2 одделение.

одд.наставници:Татјана Каранфиловска,Симона Ѓорѓиевска

Работилница Направи сам и подарок книга Со малку труд многу радости

 Денес, 28.2.2025, имавме чест повторно да се видиме и дружиме со господин Ѓорѓи Чачкиров, автор на книгата ,,Со малку труд многу радости". Нашиот гостин присуствуваше на работилницата во организација на неуморната наставничка по техничко образование Валентина Терзиева, на која учениците изработуваа вежби токму од неговата книга. Макета на куќа, куќичка за птици и макета на продавница, чудесно се ствараа од вештите раце на младите моделари од 6-1 и 6-2 одделение. Гостинот ни ја откри и својата приказна дека на нивна возраст се ,,заразил" со моделарството, за потоа токму неговата страст да го одведе во височините, во вистинската смисла на зборот и да стане авијатичар. За време на часот успеавме да погледнеме и снимки од првиот лет над небото на суверена Македонија кој бил изведен токму од нашиот пилот и да видиме како изгледало Скопје од авион пред 33 години.

На крајот на часот, како благодарност за посетата му врачивме благодарница на нашиот гостин, а тој на сите ученици им подари по еден потпишан примерок од книгата. 

Еве што напишаа за нас на анторис.мк

https://antoris.mk/a/v/decata-se-interesiraat-za-modelarstvoto-i-za-vozduhoplovstvoto

„Населби по мерка на децата“

 ,,Населби по мерка на децата,,- малите архитекти од 5 одд.- „Св. Климент Охридски Драчево“ и ,,Рајко Жинзифов“

Турнир во пинг- понг

 Денес се одигра групната фаза од пинг-понг турнирот во нашето училиште.Учество земаа 20 ученици од 6 до 9 одделение. По одиграните натпревари во следната фаза се квалификуваа 5 ученици: Марко Маринковски, Михаил Ѓорѓиевски (9-1),Филип Тодороски (9-2),Иван Трајковски (8-2) и Горазд Цветковски (7-2).

Литературно читање и квиз по повод Денот на мајчиниот јазик

 На 21.2.2025 год. по повод Денот на мајчиниот јазик се одржа литературно читање и кахут квиз на кои учество зедоа младите поети и автори на творби на тема „Јазикот како чувар на културниот идентитет“ во организација на наставничката по македонски јазик Наташа Станојевска и библиотекарката Наташа Старделова. Василиј Ѓорѓиевски, Мила Станкоска, Андреа Радевска, Матеј Јаневски, Илина Трајковска, Матеа Стојановска и  Никола Деспотовски беа младите автори чии творби се претставија пред присутните. Задоволството и радоста беше уште поголема бидејќи имавме и гости од соседното основно училиште „Кузман Шапкарев“: Мартина Трајковска од 8-2, Михаела Арсовска од 6-1 и Јана Мицевска од 6-2 со нивната библиотекарка Александра Ѓорѓиевска. Тие, исто така, се претставија со сопствените литературни творби.  Како публика поканети беа претставници од учениците од сите одделенија. Средбата помина во срдечна атмосфера каде многу работи се споделија, се научија, а во исто време и учениците забавно си поминаа, бидејќи имаше и забавен едукативен кахут квиз на настанот. Победници во квизот со најмногу точни и брзи одговори беа Иван Трајковски- прво место, Марија Тренкоска- второ и Анастасија Петреска- трето место.