Одбележан Денот на сесловенските просветители Кирил и Методиј

Рафаела Рафаиловска од 3-1 одделение  изработи презентација на химната за Кирил и Методиј по повод Денот на сесловенските просветители.  Браво Рафаела!

Кирил и Методиј

Минаа векови долги

и уште многу ќе минат, 

Вашите имиња светли

никогаш нема да згинат.

Посветли ликови за нас

нема под небесниот свод, 

азбука вие му дадовте

на целиот словенски род.

Вие солунски браќа, 

учители наши први,

народот го учевте

со книга напред да врви.

 И како сонце светло,

вечно од небо што сјае, 

така сред родот словенски

делото ваше ќе трае.

 

КОНКУРС за избор на првенец на генерацијата 2016-2025 година

 Врз основа на „Правилникот за пофалби и награди и педагошки мерки на учениците“ на ООУ „Св. Климент Охридски“, и Критериумите за избор на првенец на генерација  претседателот на Комисијата за избор на првенец на генерацијата го распишува следниот

КОНКУРС

за избор на првенец на генерацијата 2016-2025 година

Конкурсот е отворен до 5.6.2025 и на него право на учество имаат сите ученици од деветто одделение во учебната 2024-25 година при ООУ „Св. Климент Охридски“ кои ги исполнуваат следниве услови:

• Континуиран одличен успех во текот на сите одделенија
•   Континуирано примерно поведение
•   Ученикот/чката да учествувал/а на општински, регионални, републички и меѓународни натпревари или проекти и да има освојувано дипломи, признанија и  награди на истите
• Да не бил/а казнуван со педагошка мерка од било кој вид во текот на воспитно –образовниот процес и да нема повеќе од 3 неоправдани изостаноци (за секоја година поединечно)
• Да има активно учество во ученичките организации, слободните и вон-наставните активности на училиштето
• Со своето поведение и постапки да дава пример за солидарнoст, правичност и хуманост.

Потребни документи:

Кратка биографија

Фотокопија од свидетелствата од 4-8 одделение ( за 9 одделение одделенскиот раководител дава информација за успехот и поведението при пишувањето на мислење за ученикот)

Фотокопија од дипломи, признанија и  награди за освоени места или учество на натпревари на различно ниво, како и потврди за учество во вон-наставни активност   

Мислење од одделенски раководител и/или ментор за освоените постигнувања

Комплетната документација учениците да ја достават не подоцна од 5.6.2025 до своите одделенски раководители, кои пак потоа ја доставуваат до претседателот на комисијата Елена Петрушевска. Комисијата ќе ги рангира добиените документи според утврдените инструменти за рангирање и најдоцна до 10 .6.2025 ќе ги објави резултатите од конкурсот.

Нецелосните и ненавремено доставените документи нема да се разгледуваат од страна на Комисијата

Посета на ресторан

 Денес учениците од 4-1 и 4-2 по изборниот предмет „Млади готвачи“ беа во посета на ресторанот,,Меин Стрит,,. Готвачот Жиле им објасни што се треба да носи на себе еден готвач, каков прибор му е потребен и ни ја откри рецептата за похован стек. Откако го подготвивме похованиот стек, секој ученик ги проба прекрасните бургери во Меин Стрит.

Патување во иднината: Ученици го посетуваат Џонсон Мети Скопје!

Патување во иднината: Ученици го посетуваат Џонсон Мети Скопје!

Вчера, 21.5.2025, 24 љубопитни ученици од 5-8 одделение од шест основни училишта ширум Македонија (ООУ "Димитар Миладинов" Скопје (Центар), ООУ "Св. Климент Охридски" с. Драчево, ООУ "Крсте Петков Мисирков" Радовиш, ОУ "Гоце Делчев" Василево, ОУ "Гоце Делчев" Свети Николе и ОУ "Гоце Делчев" Неготино), придружувани од нивните посветени наставници, ја посетија фабриката "Џонсон Мети" во близина на Скопје, како дел од програмата "Науката и јас".
🚀 Студентите истражуваа врвни научни процеси, открија како иновацијата може да има влијание во реалниот свет и комуницираа со професионалци кои великодушно го споделија своето знаење и страст за науката. Ова практично искуство за учење е дизајнирано да поттикне љубопитност, да го поттикне научното размислување и да ги инспирира идните STEM лидери.

Резултати од 12. Државен натпревар по природни науки

Резултати од 12 Државен натпревар по природни науки Ива Трпчевска IV-1 одд. освои 3 награда Ментор: Тања Петков Дарија Јаковчевска VI-2 одд. освои 2 награда

Ментор: Биљана Илиева

Честитки за покажаниот успех на двете ученички

МИО - градиме мостови- прва средба

 MИO активности меѓу нашето училиште и партнерското училиште OОУ„Наим Фрашери” од Морани. Учениците другаруваа,стекна нови пријателства,истражуваа за државите во Европа, се орентираа во просторот со и без компас и ги  збогатија своите на знаењата по географија и орентација во просторот. Научија и по некој нов збор на двата јазика. Продолжуваме понатаму со следни активности.

Одговорни наставници :Билјана Јованоска и Душица А.Гулабоски.