Награда на Википедија

 

Вчера,21.5.2023 беше одржано доделувањето на наградите на членовите на Вики клубовите. Од нашето училиште наградена беше Лара Анѓеловска од 8-2 одделение за своето уредување на статии на тема:Италија Погледнете дел од вчерашната атмосфера при доделувањето на наградите за ''Запознајте ја Италија'' и во ''Фокусот Италија'', проект кој беше подржан од Италијанската амбасада во #Скопје. 

Наградите ги додели амбасадорот Андреа Силвестри во Кинотека на Р. Македонија.

Пред бројната публика на Националната Кинотека беше прикажан  "Freaks Out" - последниот филм на Неделата на италијански филмови, оваа година посветена на темата “бајки“. Фестивалот, кој го бележи неговото XXIII издание, со богатата програма на наградувани филмови и нови продукции побуди голем интерес кај македонската публика. Во оваа прилика Амбасадорот Силвестри ги претстави резултатите од конкурсот “Откриј ја Италија“, натпревар за превод на содржини поврзани со Италија на страницата на Википедија на македонски јазик, организиран во соработка со Здружението ГЛАМ и Катедрата за италијански јазик и книжевност при УКИМ. Амбасадорот им се заблагодари на коорганизаторите на иницијативата и пред сè на сите учесници во конкурсот кои преведоа повеќе од 800 статии за Италија. „Благодарение на вашиот придонес виртуелната енциклопедија на македонски јазик ќе биде побогата со страници за готската архитектура во Италија, венецијанската ренесанса, барокот, неореализмот, италијанските вестерни наречени шпагети вестерни, традиционалната италијанска музика како тарантелата, но и младите современи музичари, италијанската кујна со нејзините познати сирења како пармезанот реџано и многу други теми кои досега недостасуваа на Википедија на македонски јазик“ - забележа Силвестри обраќајќи се на младите ученици и студенти присутни во салата.