Осмиот број на „Наш збор“ -весникот на нашето училиште

Погледнете го новиот број од нашиот весник:

Осмиот број на весникот „Наш збор“

Довидување до шестто

 На 17.6.2026 година нашите петтоодделенци се збогуваа со своите одделенски наставнички Тања Петков и Лиле Велјановска приготвувајќи свечена приредба која ја изведоа пред наставничките и родителите. Во срдечна и весела атмосфера тие ги изведоа своите точки и се заблагодарија за грижата и знаењето кое ќе го понесат во понатамошното школување. Имајте убав летен распуст, ученици. Се гледаме во шесто одделение.

Читател на месеците мај и јуни и рекордер читател на годината

 Читател на месеците мај и јуни е Анастасија Ставревска од 4-1 одделение со најголем број на позајмени книги во овие месеци. Рекордер читател за учебната година 2025-26 е Јована Цветковска од 4-1 одделение. Честитки за упорноста и доследноста на двете ученички.

Наградени првенците на генерацијата 2017-2026 во Општина Кисела Вода

 Денеска, во просториите на Општина Кисела Вода, градоначалничката Бети Стаменкоска Трајкоска оствари средба со најуспешните деветтоодделенци, првенците на генерација од сите осум основни училишта кои се наоѓаат на територијата на општината.

На средбата, која помина во опуштена и пријатна атмосфера, на учениците им беа врачени благодарници и скромни пригодни подароци како признание за нивниот беспрекорен успех, вложениот труд и континуираното залагање во текот на целокупното основно образование.

Како потврда за системската заложба на Општина Кисела Вода да ги поддржува младите, овие истакнати ученици ќе бидат опфатени и дополнително наградени преку тековниот јавен оглас за талентирани ученици. Ова е дел од континуираната стратегија на локалната самоуправа за стимулирање и вреднување на вистинските квалитети кај новите генерации.

-Денешната средба со вас, првенците на генерацијата, е навистина посебен момент кој инспирира. Вие сте гордоста на вашите семејства, на вашите наставници, но пред сѐ, вие сте голема гордост на цела Кисела Вода. Со вашиот труд и посветеност покажувате дека успехот доаѓа исклучиво преку континуирана работа. Овие благодарници се само симболичен гест на нашето огромно почитување кон она што го постигнавте, а вашата извонредност соодветно ќе ја вреднуваме и преку јавниот оглас за талентирани ученици. Моја лична заложба, но и обврска на Општината, е секогаш да бидеме тука за да ги наградуваме, стимулираме и поддржуваме најуспешните, бидејќи вие сте иднината во која сите ние веруваме и во која вреди да се вложува-истакна градоначалничката Стаменкоска Трајкоска.

Трета награда за Никола Крковски на државниот натпревар по македонски јазик

Учебната година заврши, но наградите се' уште пристигнуваат. Никола Крковски од 8-2 одделение освои трета награда на државниот натпревар по македонски јазик, со менторот Александра Ѓорѓиевска. Честито Никола, уште поголеми успеси се пред тебе!

 

Свечено доделување на свидетелства и разделба со учениците од деветто одделение

 Денес, 11.06.2026, е  денот кога во училиштето се делат свидетелствата, наградите и пофалниците за деветтоодделенците. Во исто време беа прогласени и првенците на генерацијата 2017/26,  а имаше и пофалници за континуиран одличен успех и високи постигнувања на учениците. 

Овогодинешните првенци се Михаела Димитровска 9-1 и Матеј Димишковски 9-2, доплнително беа пофалени и 14 ученици со континуирано одличен успех во текот на целокупното нивно школување. 

Свечениот чин започна со поделба на свидетелствата од страна на одделенските раководители на 9-1 и 9-2,  Емилија Филипоска и Душица А. Гулабоски, прогласувањето на првенците и пофалените кои ги награди директорката Елена Симоновска, а на крај средбата заврши со песна, но и солзи за разделба од училишните клупи во основното училиште.

Им посакуваме сите да се запишат во посакуваните училишта и да бидат успешни и понатаму во школувањето.